Jawab - Tumhe bhe alvida jana

Tumhara khatt milaa janaa,

Mujhe achaa lagaa parh k

Isy kaisy naa mai parhti?

Isy kaisy jalaa deti? 

Tumharaa, akhri khatt tha,

Tumharaa, aakhri khatt.

Sunou ab alvida janaa,

K yeh bhi, aakhri khatt hy,

Isy himmat se parh lena

Tumhe parhny ki adatt hy, K tum ne toh parhy houn gy,

Bary hi, alvidaai khatt.

Mujhe likhnaa nahein aaya,

Kahien bhi, alvida janaa,

Magar likhnaa, taqaaza tha,

Meri bhi ab, zaroorat ka.

Mujhe tum hi btaa dety,

Tumhe jis se nidamatt ho,

Mai esaa, kya nayaa likhoun?

Magar jaana,

Tumhe kaisy nidaamat ho?

K tum ne dastaa'n roki,

Tumhe soojhi bicharny ki,

Sitamm dhaaya toh woh tum ne,

Sabhi kuch karr k bhi janaa,

Likha tum ne toh yeh likha,

"Hume iski zaroorat thi,"

Sahi likhaa, bajaa likhaa,

Tumhe likhna, mubaarik ho.

Yahaan roty huey phir bh,

Mai ne aagy parhaa janaa,

K mery ishq ko tum ne

Salaam aakhir pe likha tha,

Salaam aakhir pe likhaa tha.

Mujhe jumlaa btaa dety, Mujhe shikwaaa sunaa dety,

Yeh kaisaa faislaa janaa,

Kahaan baqi duaa koi?

Tumhe bhoolou toh mai kaisy?

Tumhe bhooloun toh mai kaisy?

Mujhe kis ne yeh haqq saunpaa?

K tumhe mai bewafaa likhoun?

Tumharaa qarz hy mujh parr,

Wafaa tum ne jitaa di hy,

Jafa meri, sunaa di hy,

Yeh tum likhou jo likhnaa hy,

K mai toh ab pakar mein houn,

Tumhari, shayari ki bhi.

Mery bass mein kahan kuch hy?

K abhi tak bar'sarrr e quwatt,

Tumhi tum hou, Tumhi hou bass.

Chalou ab alvida sun lou,

K yeh bh, aaakhri khatt tha,

Wohi poochy tumhe Rizvi,

Jiski qasmein uthaaty thy.

Mera toh hy, tumharaa hou, Khuda Hafiz, Khuda Hafiz. -Ali Hassan Rizvi